Il podest
- 1. Frida Hansdotter (Sd) 1:38,63
- 2. Wendy Holdener (Sz) + 0,05 secundas
- 3. Katharina Gallhuber (Ö) + 0,32 secundas
Wendy Holdener manchenta la medaglia dad aur piz a cup per 0,05 secundas. Ella haja vulì gudagnar ina medaglia e quai saja gartegià ad ella, ha ditg Holdener. Bronz va surprendentamain a l'Austriaca Katharina Gallhuber. Suenter l'emprim percurs è Holdener stada la pli sperta. Quai cun in avantatg da 0,2 secundas sin Frida Hansdotter. Gallhuber era novavla suenter l'emprim percurs. En il segund è ella stada la pli sperta e vegn surprendentamain terza.
Shiffrin dasper il podest
Nagina medaglia n'hai dà per la dominatura dal slalom, l'Americana Mikaela Shiffrin. Ella vegn quarta cun 0,4 secundas retard sin la victura svedaisa. Quai suenter ch'ella ha il di avant anc gudagnà aur en il slalom gigant.
Las ulteriuras Svizras
Denise Feierabend (14avla) e Michelle Gisin (16avla) han la finala pers passa trais secundas sin Frida Hansdotter. Ellas manchentan ina meglra rangaziun pervi da sbagls en l'emprim percurs.
- 14. Denise Feierabend + 3,10 secundas
- 16. Michelle Gisin + 3,22 secundas
RR novitads 06:00