Siglir tar il cuntegn
cuntegn

Pyeongchang 2018 Aur per hockeyans russ

En il final dramatic batta la Russia la Germania cun 4:3 suenter prolungaziun.

Dus hockeyans.
Legenda: Il gol decisiv dals Russ en la 70avla minuta. Keystone

Ils Russ èn campiuns olimpics en il hockey sin glatsch. Els han gudagnà cunter ils Tudestgs cun 4:3 suenter prolungaziun. Fin la davosa minuta dal temp regular manavan ils Tudestgs anc cun 3:2. 55 secundas avant la fin han ils Russ pudì egualisar al 3:3. Quai cun in um pli pauc sin il glatsch.

Il gol decisiv per la Russia ha fatg Kirill Kaprisow en la 10avla minuta da la prolungaziun durant ina fasa da powerplay. Per la «Sbornaja» èsi l'emprim titel da campiun olimpic dapi l'onn 1992 ad Albertville ed il novavel insumma. La Germania ha gudagnà l'emprima medaglia dapi bronz il 1976 ad Innsbruck. Tranter auter han ils Tudestgs eliminà ils Svizzers, ils Svedais ed ils Canadais.

RR novitads 08:00