Siglir tar il cuntegn
cuntegn

Pyeongchang 2018 Curling – Svizzers manchentan il final

Ils curlists svizzers enturn il skip Peter De Cruz perdan il mezfinal cunter ils Svedais cun 3:9.

Peter de Cruz e Benoît Schwarz.
Legenda: Peter De Cruz e Benoît Schwarz. Keystone

La squadra da curling dals umens svizzers manchenta il final als gieus olimpics a Pyeongchang. En il mezfinal han els pers cunter ils Svedais cun 3:9. En il gieu per bronz fruntan ils Svizzers il venderdi a las 07:35 (temp svizzer) sin il Canada.

Valentin Tanner, Peter De Cruz, Claudio Pätz e Benoît Schwarz han mussà en il mezfinal ina prestaziun che n'ha betg tanschì cunter la squadra svedaisa. La decisiun preliminara è crudada gia en il quart end, cura ch'ils Scandinavs han pudì scriver ina chasa da quatter per els, ed uschia manar cun 6:1.

RR novitads 15:00