Siglir tar il cuntegn

Header

cuntegn

Pyeongchang 2018 Dario Cologna ed ils 50 kilometers – nagins amis

Ils 50 kilometers n'èn betg la disciplina favurita da Dario Cologna. Quai sa mussa er tar la cursa da la sonda: Dario Cologna na vegn betg sin il podest.

Ils 50 km n'èn betg la disciplina favurita da Dario Cologna. Tant als gieus olimpics a Vancouver sco a Sotschi è el cupitgà curt avant l'arrivada. Ed er tar ils gieus olimpics a Pyeongchang na po il Grischun betg festivar ina victoria. Cologna terminescha la cursa senza medaglia e vegn novavel.

Il titel da campiun va al Finlandais Iivo Niskanen. Segund vegn il Russ Bolshunov e terz vegn ses cumpatriot Andreî Larkov.

Medaglia d'aur tar 50 kilometers manca vinavant

Ina medaglia d'aur manca damai vinavant al star da passlung svizzer. Il star da passlung Dario Cologna ha gia festivà grondas victorias: campiun mundial, 4 giadas campiun olimpic e gudagnà 4 giadas la cuppa mundiala generala ed il Tour de ski.

RR novitads 08:00

Artitgels legids il pli savens