Siglir tar il cuntegn
Inhalt

Pyeongchang 2018 Diplom olimpic per Sina Candrian

La snowboardista grischuna Sina Candrian ha stuì sutterrar il siemi d'ina medaglia en il slopestyle als gieus olimpics. L'atleta da Flem è crudada en il final ed è la finala vegnida 7avla. Elena Könz da Vnà è vegnida 10avla e manchenta uschia be per pauc il diplom olimpic.

sigl da Sina Candrian.
Legenda: Diplom olimpic per Sina Candrian suenter crudada en il final è ella vegnida 7avla. Keystone

Podest

  • aur per l'Americana Jamie Anderson
  • argient per la Canadaisa Laurie Blouin
  • bronz per la Finlandaisa Enni Rukajärvi

Sina Candrian ha gì in bun emprim run cun 66,35 puncts ed era uschia sin plaz 4. En il final è ella tar ins dals davos sigls dentant crudada. La snowboardista grischuna è la finala vegnida 7avla, e vegn remunerada cun in diplom olimpic.

La medema sort sco Candrian ha er Isabel Derungs gì. Er ella è crudada en il segund run ed è sa classada sco 18avla. Betg persvadì ha era Carla Somaini, ella è vegnida 20avla.

RR novitads 06:00