Siglir tar il cuntegn
Inhalt

Pyeongchang 2018 Marit Björgen scriva istorgia

La passlunghista norvegiaisa gudogna la cursa sur 30 km en stil classic. I sa tracta da sia otgavla medaglia dad aur a gieus olimpics.

Passlunghista norvegiaisa.
Legenda: Marit Björgen scriva istorgia a gieus olimpics. Keystone

La Norvegiaisa Marit Björgen gudogna la cursa sur 30 kilometers en stil classic a moda suverana. Argient va a la Finlandaisa Krista Pärmäkoski. La Svedaisa Stina Nilsson gudogna bronz. La Svizra Nathalie von Siebenthal terminescha la cursa sin il 22avel plaz. Quai cun in retard da passa 9 minutas sin la victura.

Björgen scriva istorgia

Per Marit Björgen è quai la 15avla medaglia e l’otgavla medaglia dad aur a gieus olimpics. Grazia a questa prestaziun egualisescha ella il record da ses cumpatriot Björn Dählie ed è l’olimpionica cun il pli grond success en l’istorgia dals gieus olimpics.

En la Corea dal Sid ha ella gudagnà tschintg medaglias:

  • aur sin 30 kilometers, aur tar la staffetta
  • argient an il skiatlon
  • duas giadas bronz tar il sprint da team

RR novitads 09:00