Siglir tar il cuntegn
cuntegn

Pyeongchang 2018 Medaglia da bronz per Fanny Smith

Fanny Smith gudogna en il skicross la 12avla medaglia per la Svizra a Pyeongchang. Gudagnà la concurrenza ha la Canadaisa Kelsey Serwa.

Fanny Smith.
Legenda: Fanny Smith gudogna bronz en la cursa da skicross - igl è la 12avla medaglia per la Svizra a Pyeongchang. Keystone
  • aur Kelsey Serwa (Canada)
    ella ha gia gudagnà avant quatter onns argient a Sotchi
  • argient Brittany Phelan (Canada)
  • bronz Fanny Smith (Svizra)

Fanny Smith è ida cun grondas ambiziuns a la partenza. La fin finala vegn la skiunza dal chantun Vad terza en in final plain tensiun da la partenza fin l'arrivada. Suenter la cursa ha ella ditg, ch'ella saja fitg cuntenta da finalmain avair gudagnà ina medaglia.

  • In diplom olimpic datti per Sanna Lüdi ch'è dada ora en il mezfinal, e la fin finala vegnida 7avla.

Discurs cun Talina Gantenbein da Scuol

Per la giuvna Talina Gantenbein da Scuol è la premiera stada a fin suenter il quart final. Andreas Wieland, reporter per RTR a Pyeongchang, ha discurrì cun Talina Gantenbein suenter la cursa da skicross.

RR novitads 06:00