Siglir tar il cuntegn

Pyeongchang 2018 Nagins gieus olimpics e fin da stagiun per Mélanie Meillard

Mélanie Meillard vegn a manchentar ils gieus olimpics a Pyeongchang. La Svizra è cupitgada grevamain en il trenament per il slalom gigant a Pyeongchang.

Mélanie Meillard.
Legenda: Tar ina greva cupitgada ha Mélanie Meillard blessà ses schanugl fermamain. Keystone

Tar la cupitgada en in trenament ha la skiunza svizra Mélanie Meillard blessà ses schanugl a tala moda, ch'ella stoppia terminar l'entira stagiun anticipadamain. Ella ha rut ils lioms cruschads e blessà il meniscus. Per ella na datti damai nagins gieus olimpics a Pyeongchang e la stagiun è a fin.

L'entschatta da schaner era la giuvna da 19 onns sa rangada per la terza giada sin in podest da la cuppa mundiala. En la Corea dal Sid fiss ella partida il glindesdi per in slalom gigant e la mesemna per in slalom.

RR novitads 12:00