Pervi da las consequenzas da ses accident als X-Games na po Iouri Podlatchikov betg far part als gieus olimpics. El è stà ina da las schanzas grondas da la Svizra sin ina medaglia.
Per il team da snowboard è il forfait da Iouri Podlatchikov ina schleppa. Ils 28 da schaner era el crudà als X-Games dad Aspen en ils Stadis Unids. Per la qualificaziun dals gieus olimpics a Pyeongchang, ils 13 da favrer ha el ussa declerà forfait. La squassada dal tscharvè ch'el ha survegnì chaschuna anc adina memia gronds problems ad el.
