Siglir tar il cuntegn
cuntegn

Pyeongchang 2018 Svizzers senza exploit en la staffetta 4x10 km

Il quartett svizzer per la staffetta da 4 giadas 10 kilometers è daventada 11avla. Gudagnà ha la Norvegia.

jonas baumann surdat a dario cologna
Legenda: Jonas Baumann (san.) surdat a Dario Cologna (dretg) suenter ils emprims 10 kilometers. Keystone

Il quartett svizzer cun Jonas Baumann, Dario Cologna, Toni Livers e Roman Furger ha baud stuì viver cun ina duscha fraida: L'emprim ha Jonas Baumann stuì remplazzar ses fist defect, ed ha suenter pers bler temp. Sco 14avel ed ultim ha'l surdà a Dario Cologna ch'ha pudì gudagnar 3 posiziuns. Toni Livers ha suenter pudì gudagnar anc in'ulteriura posiziun. L'ultim currider Roman Furger ha lura concludì la cursa sin il 11avel plaz.

Gudagnà ha il quartett norvegiais cun Didrik Toenseth, Martin Johnsrud Sundby, Simen Hegstad Krüger e Johannes Hösflot Klaebo. Argient hai dà per la Russia e bronz per la Frantscha.

RR novitads 10:00