Siglir tar il cuntegn

Header

cuntegn

Pyeongchang 2018 T'imagina: Igl è gieus olimpics, e nagin na va a guardar …

Dapi passa in'emna cumbattan atletas ed atlets da tut il mund per medaglias olimpicas a Pyeongchang. Mintga sportista e sportist che siemia d'ina medaglia olimpica ch'ins po survegnir mo mintga quatter onns. Ma a Pyeongchang na paran ils gieus olimpics d'enviern betg d'esser la pli gronda festa.

Surtut tar ils sports da naiv para l'entusiassem da fans e convischins a Pyeongchang e conturn dad esser limità. Per lung da pistas e loipas vesan atletas ed atlets per ordinari paucas persunas ch'als sustegnan. En mintga cas damain che per ordinari.

I dat bain fans da l’Europa e da l'American ch'èn viagiads en la Corea dal Sid cun bandieras e placats – ma strusch tar las concurrenzas da sports da naiv sco sport da skis, passlung, biatlon et cetera.

audio
Saira: Tribunas vidas a Pyeongchang
ord Actualitad dals 19.02.2018.
laschar ir. Durada: 3 minutas 21 Secundas.

Bun'atmosfera plitost tar «short track» u patinar

Tar «short track» e patinar datti ina buna culissa d'aspectaturs ed ins haja era vendì passa 90% dals tickets, din ils organisaturs. Blers hajan però cumprà en gruppas, e na vegnian ussa betg pervi da las temperaturas ubain pervi dal Bumaun en l'Asia.

Da l'autra vart pon era ils pretschs contribuir a quai. Fin a 150 francs per ir a guardar ina cursa da skis u in gieu da gruppa da hockey – e fin sur 500 francs per cursas e gieus decisivs per medaglias.

RR actualitad 17:00

Artitgels legids il pli savens