Siglir tar il cuntegn
cuntegn

Pyeongchang 2018 Ulteriur diplom per Nathalie von Siebenthal

La passlunghista svizra vegn sisavla en la cursa sur 10 kilometers skating e gudogna ses segund diplom als gieus olimpics.

Passlunghista.
Legenda: Mussa er en sia segunda cursa ina ferma prestaziun: Nathalie von Siebenthal. Keystone
  • Suenter plaz 15 en il skiatlon gudogna Ragnhild Haga aur sur 10 km skating a moda suverana.
  • Argient va a la Svedaisa Charlotte Kalla. Bronz gudognan ex aequo la Finlandaisa Krista Pärmäkoski e la Norvegiaisa Marit Björgen.
  • Nathalie von Siebenthal perda be 18 secundas sin il podest. Suenter il skiatlon gudogna la Bernaisa ses proxim diplom.

Nathalie von Siebenthal ha danovamain mussà ina ferma prestaziun als gieus olimpics a Pyeongchang. En la cursa da 10 km skating è la Bernaisa da 24 onns vegnida sisavla e gudogna sco gia al skiatlon in diplom olimpic.

Victura olimpica è la Norvegiasa Ragnhild Haga avant la Svedaisa Charlotte Kalla. Bronze va a la Finlandaisa Krista Pärmäkosko e la Norvegiaisa Marit Björgen.

RR novitads 09:00