Sco quai ch'il comité d'organisaziun communitgescha, hajan ins registrà ulterius 16 infecziuns novas dapi il venderdi. 44 persunas sajan anc adina en quarantina. Pertutgads èn era ils dus freestylers svizzers Fabian Bösch ed Elias Ambühl. Els n'hajan però nagins sintoms pli, communitgescha Swiss Olympic.
Malgrà l'infecziun avevan Bösch ed Ambühl trenà venderdi damaun. Quai cun tgira medicinala e cun distanza sin ils ulteriurs atlets. Uschia quinta la delegaziun olimpica svizra che Bösch ed Ambühl possian far lur cursas da slopestyle ch'èn previsas per dumengia (02:00 temp svizzer).
RR novitads 11:00