Curt avant l’avertura dals Gieus Olimpics a Peking ha «Swiss Paralympic» nominà ina part da las sportistas e dals sportists svizzers che èn da la partida tar ils Paralympics. Tranter ils emprims set sportists ch'èn vegnids nominads ha Swiss Paralympic er nominà il passlunghist rumantsch Luca Tavasci da Samedan. Tavasci è gia avant quatter onns stà da la partida tar ils Paralympics da Pyeongchang.
Luca Tavasci è l’unic passlunghist da la delegaziun svizra. Tar ils alpins ha Swiss Paralympic nominà tschintg atletas ed atlets. Leader è il campiun olimpic traidubel da Pyeongchang Théo Gmür.
Ils gieus paralimpics han lieu dals 4 fin ils 13 da mars a Peking.
Ord l'archiv:
