L'etappa dal mardi dal Giro d'Italia gudogna Arnaud Démare en il sprint final. Il Franzos è restà per il nair da l'ungla avant il Slovac Peter Sagan ed il Talian Davide Ballerini.
En il classament general n'ha l'etappa da 140 kilometers da Catania a Villafranco Tirrena purtà naginas midadas. Grazia a bunificaziuns da sprint è il Portugais Joao Almeida uss duas secundas avant Jonathan Caicedo da l'Ecuador.