Il profi da golf grischunais Jeremy Freiburghaus è puspè in pass pli datiers al siemi da dar golf sin in aut livel europeic. Al turnier «Portugal-Open» a Vau Obidos è el vegnì 8avel. Il giuven da 26 onns da Panaduz è actualmain 7avel en il classament general.
Ils megliers 20 a la fin da la stagiun survegnan l'auter onn in plaz tar il «Tour europeic». La proxima schanza da far definitivamain quest pass ha Jeremy Freiburghaus a partir da gievgia – al turnier da golf da chasa il «Swiss Challenge» a Basilea.
