Cun 45 onns ha Gianluigi Buffon avunda. Il legendar goli talian terminescha sia carriera sco profi. El ha schlià ses contract tar il club da la seria B Parma Calcio anticipadamain. Via Twitter ha el annunzià «Vus avais dà a mai tut, jau hai dà a vus tut».
Buffon ha cumenzà sia carriera da profi il 1995 tar Parma, ha midà il 2001 tar Juventus Turin. Cun quella squadra ha el gudagnà 10 giadas il scudetto – pia il titel da campiun talian – e tschintg giadas la cuppa taliana. Sulettamain la Champions League n'ha Buffon mai gudagnà – malgrà esser stà trais giadas en il final. Persuenter è el stà cun la naziunala taliana campiun mundial il 2006.
Or da l'archiv: