Hamilton n’è mai stà abel da suandar il tempo cun ses Mercedes. Curt avant la fin ha el laschà montar novas rodas ed ha fatg la pli sperta runda da la cursa, quai che munta in punct dapli. En il classament general dal campiunadi mundial ha Verstappen augmentà l’avantatg per set puncts sin nov 18 puncts.
Davos ils dominaturs da la stagiun è Valtteri Bottas sin Mercedes daventà terz, e Sergio Perez sin Red Bull-Honda quart. Tut ils auters pilots è vegnids surpassads almain ina giada.
Ils pilots da Alfa Romeo-Ferrari han puspè ina giada manchentà dar puncts. Kimi Räikkönen è vegnì 11avel ed Antonio Giovinazzi 15avel.