Il podest
- 1. Max Verstappen (NED, Red Bull)
- 2. Carlos Sainz jr. (ESP, Ferrari)
- 3. Lando Norris (GBR, McLaren)
Co la cursa è ida
L'istorgia dal di hai gia dà avant la partenza da la cursa: Charles Leclerc ch'aveva procurà per surpraisa per l'emprima pole position per Ferrari dapi l'october 2019, n'ha betg pudì partir tar ses Grond Premi da chasa. La raschun èn stads problems cun la transmissiun.
La sonda aveva Leclerd fatg in accident en il qualifying. La dumengia en damaun ha Ferrari annunzià, els na stoppian betg midar ora parts, ed ha dà liber l'auto per la cursa. Ina decisiun fallada.
Suenter che Leclerc n'è betg partì, ha Max Verstappen gì via libra per gudagnar la cursa a moda suverana. Il Ollandais surpiglia grazia a sia segunda victoria da la stagiun, era il timun dal classament general. Ina pitschna consolaziun per Ferrari: il collega da squadra da Leclerc, Carlos Sainz, daventa avant Lando Norris segund.
Nagina fortuna per Mercedes, Alfa Romeo fa puncts
Valtteri Bottas sin Mercedes ha stuì dar si la cursa, suenter ch'ils mecanists n'han betg pudì prender davent ina roda tar ses stop da boxa. E Lewis Hamilton ha stuì sa cuntentar cun plaz 7.
En la 5avla cursa da la stagiun hai finalmain dà l'emprim punct per Alfa Romeo. Antonio Giovinazzi ha defendì ses 10avel plaz da partenza fin a l'arrivada. Gist suandà da ses collega da squadra Kimi Räikkönen, ch'era partì sco 14avel.
Uschia cuntinueschi
En duas emnas sa ferma la furmla 1 per la quarta giada en il Aserbaidschan (6 da zercladur).
