Siglir tar il cuntegn

Header

video
Scherrer celebrescha sia medaglia d'argient
Or da Beijing 2022 Clips dals 11.02.2022.
laschar ir. Durada: 1 minuta 32 Secundas.
cuntegn

Halfpipe Bronz per Jan Scherrer

Il snowboardist Jan Scherrer gudogna la medaglia da bronz en la halfpipe. Quai grazia ad in ferm segund percurs. Propi crair ch'el ha gudagnà ina medaglia a gieus olimpics, na po il Songagliais da 27 onns anc betg.

video
Scherrer: «Plan A è ì si»
Or da Beijing 2022 Clips dals 11.02.2022.
laschar ir. Durada: 5 minutas 22 Secundas.

La medaglia dad aur va al Giapunais Ayumu Hirano ed argient a l'Australian Scotty James. En sia ultima concurrenza vegn l'American Shaun White quart. El è vegnì trais giadas campiun olimpic. L'ulteriur Svizzer Pat Burgener ha terminà la concurrenza sco 11avel.

Diplom olimpic per Wicki

La snowboardista Berenice Wicki aveva gia persvadì en la qualificaziun da la halfpipe sco 8avla ed è perfin sa megliurada en il final. Sco 7avla è la giuvna da 19 onns vegnida remunerada cun in diplom – e quai tar sia premiera olimpica.

Wicki era gia campiunessa mundiala tar las junioras l'onn 2017. En la cuppa mundiala ha ella persvadì l'ultim temp cun plazs 6, 6 e 10. Tuttina saja stà per ella sezza il pli impurtant da rimnar primas experientschas als gieus olimpics quest onn. Ch'i sa resultia gist in diplom na possia ella strusch crair, ha ella ditg suenter ses success.

video
Wicki: «Jau sun uschè ventiraivla»
Or da Beijing 2022 Clips dals 10.02.2022.
laschar ir. Durada: 4 minutas 10 Secundas.

La medaglia d'aur è ida a l'americana Chloe Kim, ch'ha defendì uschia ses titel dals gieus olimpics a Pyeongchang.

  1. Chloe Kim (USA)
  2. Queralt Castellet (ESP)
  3. Sena Tomita (JPN)

RTR novitads 06:00

Artitgels legids il pli savens

Scrollar a sanestra Scrollar a dretga