La stagiun da las HCD Ladies aveva cumenzà bain. Suenter ina sconfitta en l’emprima partida ha la squadra da la nova trenadra Evelina Raselli chattà la storta. Il october ha la squadra tranteraint gudagnà sis partidas en seria. Las HCD Ladies tutgavan tar las pli fermas equipas da la liga.
Victorias cunter ZSC e suenter ina spirala negativa
La seria da victorias ha tanschi fin tar las duos victorias encunter las dunnas dal ZSC. Mintgamai cun in gol differenza han las HCD Ladies gudagnà duos giadas cunter il ZSC. Lura dentant as ha la situaziun midada. Dapi la fin d’october na croda il puck betg pli uschia per l’equipa da Tavau. Da las davosas otg partidas da campiunadi ha la squadra dad Evelina Raselli gudagnà be ina unica. Las HCD Ladies èn crudadas sin plazza sis da la tabella da la Women’s League.
Trenament HCD Ladies
-
Bild 1 von 3. Trenament HCD Ladies. Bildquelle: RTR.
-
Bild 2 von 3. Evelina Raselli declera trenament. Bildquelle: RTR.
-
Bild 3 von 3. HCD Ladies durant trenament. Bildquelle: RTR.
Luvrar enavant alura croda il puck puspè èn
Davent da l’entschatta era per la nova trenadra Evelina Raselli cler: ‘I vegn a vegnir difficil. Quai savevan nus’. Ed uschia lavurain nus simplamain vinavant. Las HCD Ladies emprovan cun pitschnas mesiras da far il proxim pass. Tuttas en persvadidas chi vegn puspè meglier e che il puck croda puspè a favur da l’equipa da Tavau. Las HCD Ladies èn ina fitg giuvna equipa che ha era da far questas experientschas.