Siglir tar il cuntegn

Header

video
Jung metta en avantatg Tavau
Or da Sport-Clip dals 22.10.2021.
laschar ir. Durada: 23 Secundas.
cuntegn

HCD vs. Genevra Sisavla victoria en seria – HCD batta Genevra 3:0

La seria da victorias dal Club da hockey da Tavau cuntinuescha. L’equipa grischuna gudogna era cunter Genevra Servette, finalist da la stagiun passada.

Il HCD ha duvrà in mument per vegnir en la partida encunter Genevra Servette. La pausa sfurzada, pervi da cas da corona tar l'EV Zug e la partida che n’ha betg pudì vegnir giugada, han ins sentì in zichel. Suenter 10 minutas ha Tavau dentant fatg l’emprim gol. Ed a partir da quel mument ha il patrun da chasa mussà a Genevra tgi che ha a Tavau ses dachasa. Suenter l’emprim gol ed insumma durant tut il gieu n'ha Genevra mai pudì reagir sin la dominanza dal HCD.

En il tact da 10 minutas fatg ils gols

Almain ils emprims trais. Suenter l’avantatg en l’emprim terz ha Tavau mess en il segund terz sin 3:0. Uschia era il gieu decidì suenter dus terzs. Era sch'il Club da hockey da Tavau ha vinavant empruvà da far ulteriurs gols n'è quai betg pli gartegià. Memia fisic era il gieu dad omaduas varts. Davart da Genevra è il frust vegnì adina pli grond, e Tavau n’ha betg pli stuì far ulteriurs gols. Uschia ha quai dà durant las ultimas minutas anc in u l’auter cumbat cun pugns, dentant senza grondas consequenzas da chastids.  

RTR novitads 20:00

Artitgels legids il pli savens