Siglir tar il cuntegn

Header

cuntegn

Hockey 0:8 han las Svizras pers encunter las Americanas

En il terz gieu han las Svizras uss incassà la terza terrada en roda. Cun 0:8 han las Americanas betg laschà enavos in singul dubi, tgi che las favuritas dal turnier èn. Glindesdi fruntan las Svizras lura sin la Finlanda, en l'ultim gieu da la fasa da gruppa.

L'emprima buna schanza han bain las Svizras gì. Ma Lara Stadler ha tutgà be la pitga ed ha uschia manchentà da metter la Svizra en avantatg. Per las victuras dals gieus olimpics dal 2018, para quai d'avair dà in stausch. Curt suenter han ellas gia manà durant in powerplay. Suenter in culp dubel entaifer 9 secundas, èsi suenter gia stà 0:3 ed a la fin da l'emprim terz eri tar 0:5 ord vista Svizra.

video
Il sajet vi da la pitga da Lara Stadler
Or da Beijing 2022 Clips dals 06.02.2022.
laschar ir. Durada: 25 Secundas.

Il trenader ha lura reagì suenter l'emprim terz ed ha remplazzà la golia Saskia Maurer cun Andrea Brändli, ch'è gia stada durant ils emprims dus gieus tranter las pitgas. La midada ha lura er gì effect. Brändle ha laschà en be trais gols ed ha tegnì 41 sajets.

Uschia vai vinavant

Glindesdi a las 14:10 dattan las Svizras l'ultim gieu en la fasa da gruppa e quai encunter la Finlanda. Las Finlandaisas han pers lur emprimas duas partidas encunter ils Stadis Unids ed il Canada. Venderdi e sonda han lura lieu ils quartfinals.

La Svizra ha strusch pli schanzas da vegnir terza en la gruppa. Lura avess l'adversari en la runda da K.O. num cun gronda probabilitad Russia u Finlanda.

RTR novitads 17:00

Artitgels legids il pli savens

Scrollar a sanestra Scrollar a dretga