Il campiunadi mundial da hockey da las dunnas è vegnì spustà sin l'avust. Ils 20 fin 31 d'avust dattan las hockeyanas il campiunadi mundial. Nua exact che l'event duai avair lieu n'è anc betg decidì.
Pliras giadas spustà
Atgnamain fiss l'entschatta dal turnier stà planisà per ils 6 da matg. Pervia dal coronavirus han ins dentant decisì da spustar el. La situaziun che sa pegiurescha n'ha laschà nagin'autra pussaivladad als organisaturs.
A Truro e Halifax ha il turnier schon stuì vegnir ditg giu l'onn passà. Oriund fiss il campiunadi stà planisà per l'avrigl. Lura è il turnier dentant vegnì spustà per in mais sin ils 6 enfin ils 16 da matg.