Grazia a gols da Lukas Stoop, Perttu Lindgren dus entras Marc Wieser en il davos terz è il HCD anc vegnì da volver il gieu encunter ils Lakers che termineschan la qualificaziun sin il davos plaz da la tabella. Grazia a questa victoria terminescha il HCD la qualificaziun sin il terz plaz da la tabella e frunta uschia en ils quartfinals dals playoffs sin Losanna.
Sco gia il di avant ad Ambri ha il HCD er stuì giugar il davos gieu da qualificaziun avant tribunas vitas. Pervia dal Coronavirus èn tut ils stadions da hockey da la liga naziunala stads serrads per ils fans.
RTR novitads 20:00