Il Club da hockey da Tavau ha pers ordaifer cunter il leader da la tabella, l'EV Zug cun 2:4.
Il HCD ha manà fin la 50avla minuta cun 2:1 – e fin 3 minutas avant la fin stevi anc pari 2:2. Mo lura han Sven Senteler e Carl Klingberg sajettà ils gols da la victoria per il favurit da la Svizra centrala, al resultat final da 4:2. Per ils da Tavau che fruntan en las duas davosas partidas da la qualificaziun sin ils ZSC Lions e sin Ambri, vegni suenter questa terrada fitg difficil – da cuntanscher prematuramain ils quartfinals.
Ils ulteriurs resultats:
- Fribourg Gottéron – SCL Tigers 6:2
- Lugano – Losanna 1:3
- ZSC Lions - Ambri 4:2
Damai che Ambri ha pers la partida cunter ils Lions, è la stagiun a fin per ils Tessinais suenter la qualificaziun. Il medem destin aveva gia tutgà ils SCL Tigers.