Siglir tar il cuntegn

Header

cuntegn

Hockey NL Terrada cunter il leader

video
Zug volva la partida cunter Tavau en il davos terz
Or da Sport-Clip dals 30.03.2021.
laschar ir

Il Club da hockey da Tavau ha pers ordaifer cunter il leader da la tabella, l'EV Zug cun 2:4.

Il HCD ha manà fin la 50avla minuta cun 2:1 – e fin 3 minutas avant la fin stevi anc pari 2:2. Mo lura han Sven Senteler e Carl Klingberg sajettà ils gols da la victoria per il favurit da la Svizra centrala, al resultat final da 4:2. Per ils da Tavau che fruntan en las duas davosas partidas da la qualificaziun sin ils ZSC Lions e sin Ambri, vegni suenter questa terrada fitg difficil – da cuntanscher prematuramain ils quartfinals.

Ils ulteriurs resultats:

  • Fribourg Gottéron – SCL Tigers 6:2
  • Lugano – Losanna 1:3
  • ZSC Lions - Ambri 4:2

Damai che Ambri ha pers la partida cunter ils Lions, è la stagiun a fin per ils Tessinais suenter la qualificaziun. Il medem destin aveva gia tutgà ils SCL Tigers.

RTR novitads 22:00

Artitgels legids il pli savens

Scrollar a sanestra Scrollar a dretga