- EHC Arosa – EHC Dübendorf 5:3
- EHC Cuira – EHC Basilea 4:6
Arosa ha suenter otg minutas gia manà cun 2:0 cunter in dals ferms clubs da la MySports League, Dübendorf. Ils Turitgais han lura dumangà d'egualisar fin la fin da l'emprim terz. E suenter 40 minutas è Dübendorf perfin stà cun 3:2 en avantatg. Il davos terz ha Arosa dentant da vulvì la partida en ses avantatg, e gudagnà cun 5:3.
Sco Arosa ha er il EHC Cuira cumenzà bain la partida cunter Basilea, e suenter l'emprim terz manavan ils Grischuns cun 2:1. En il segund terz han ils da Basilea dentant marcà trais gols al 2:4. Las davosas 20 minutas han ils da Cuira bain pudì vegnir duas giadas fin ad in gol datiers. Basilea n'ha dentant betg laschà suenter, uschia che Cuira ha la finala pers cun 4:6.
En la tabella è Arosa da nov sin plaz quatter, cun 12 puncts or da tschintg partidas. Cuira resta sin plaz nov, en sis partidas ha l'equipa da la chapitala fatg set puncts. Davanttiers èn uss Dübendorf e Basilea, cun mintgamai 15 puncts.