En la segunda partida dals quartfinals dals playoffs gudogna Arosa cunter Huttwil cun 3:0. Suenter l'emprim terz manava Arosa grazia ad in gol da Hassan Krayem 1:0 en avantatg. Il segund terz è stà senza gols. Shane Mathew ha lura sajettà il 2:0 en la 51avla minuta, e Luca Schommer ha fatg tut cler en la davosa minuta cun il gol al resultat final da 3:0.
Link a la Federaziun svizra da hockey
Cuira perda a chasa
En la runda da relegaziun da la MySports League datti ina terrada per Cuira, cunter Bülach perdan ils Grischuns a chasa cun 4:5 suenter sajettar penaltis. Suenter 10 minutas era la partida pari 1:1, avant l'emprima pausa ha Bülach dentant anc fatg dus gols. Cuira ha anc ina giada pudì egualisar al 4:4, uschia ch'i ha dà ina prolungaziun. Quella n'ha betg purtà la decisiun, e tar il suandant sajettar penaltis ha Bülach lura marcà il gol decisiv al 4:5.