En la MySports League ha Arosa cuntanschì ils playoffs. Gartegià è quai cun gudagnar la sonda saira cunter Seewen cun 3:2. Bunamain 30 minutas è Arosa sto enavos cun 0:1. En il segund terz ha il club grischun lura pudì marcar dus gols. E curt suenter la segunda pausa ha Marino Misani marcà il 3:1 per Arosa. A Seewen èsi lura sulet anc gartegià da scursanir.
Auter va quai cun Cuira. Il club da la chapitala ha pers cunter Dübendorf, cun 2:3 suenter sajettar penaltis. Suenter 60 minutas era la partida pari 2:2. Damai che la prolungaziun è restada senza gols, ha il sajettar penaltis decidì, cun la meglra fin per Dübendorf. E cun quest resultat èsi cler ch'il EHC Cuira sto dar la runda da relegaziun.
MySports League
En ils playoffs da la 2. liga ha San Murezzan pers ordaifer cun 1:2 cunter Dielsdorf-Niederhasli. En la seria mainan ils Grischuns anc cun 2:1.
E Lai-Valbella ha pers cun 1:5 ordaifer cunter Son Gagl. En questa seria èn ils da Lai Valbella enavos cun 1:2.