Arosa ha battì il club da hockey da Basilea cun 3:2, en ina partida da la 13avla runda da la MySports League ch'era da prender suenter. Gia en la segunda minuta è Arosa ì en avantatg, e suenter dus terzs era 3:0. Basilea ha lura anc marcà dus gols, per dapli n'hai dentant betg tanschì. Cun questa victoria pon ils d'Arosa tegnair il contact cun ils emprims da la tabella.
Resultats MySports League
En l'emprima liga è il HC Partenz-Signuradi turnà cun ina terrada dal Tessin. Il club dal Partenz ha pers ordaifer cunter Bellinzona cun 4:8. Suenter 40 minutas eran ils Grischuns gia cleramain enavos cun 1:6. Ils ulteriurs gols dals dal Partenz al resultat final da 4:8 èn sulet stads cosmetica.
Resultats 1. liga
Gist cun 5:0 finescha il duel grischun en la 2. liga tranter il Cdh Engiadina e Lai-Valbella. Per ils Engiadinais han Gudench Camichel e Sandro Ritzmann mintgamai sajettà dus gols. Avert il score aveva Rui Filipe Oliveira Rocha en la 5avla minuta.
Gia il mardi ha San Murezzan gudagnà la partida cunter Weinfelden cun 5:3. Suenter dus terzs manavan ils Grischuns confortabel cun il 5:1 intermediar. Bain han ils da Weinfelden anc pudì marcar dus gols en il davos terz, la victoria n'ha l'EHC San Murezzan dentant betg laschà mitschar.