Siglir tar il cuntegn

Header

cuntegn

Hockey regiunal Be las Chicas dal Cdh Engiadina pon giugar en il campiunadi

Dapi ils 20 da december è il campiunadi da hockey en las ligas pli bassas interrut. Da las radund diesch squadras da l’Engiadina e las valladas dal sid che sa participeschan, po be l’equipa da las dunnas dal Cdh Engiadina propi dar gieus da campiunadi.

Curt suenter ch'il Cussegl federal aveva decis in december passà mesiras pli severas per impedir la derasaziun dal coronavirus, ha la liga da hockey decis dad interrumper il campiunadi en las ligas pli bassas. Da l’emprima liga engiu è il champiunadi vegnì interrut en tut las ligas. Mo las dunnas en la liga naziunala C pon giugar vinavant hockey. En il Grischun vala quai mo per l’equipa da las dunnas dal Cdh Engiadina, per las «Chicas».

Stagiun «quasi» normala

La surpraisa era gronda en Engiadina Bassa, cura che la liga ha tramess l’infurmaziun dad interrumper il campiunadi. Exclus da la regla è mo l’equipa da las dunnas dal Cdh Engiadina en la liga naziunala C da las dunnas. Las «Chicas» treneschan sco avant la pandemia – ed ellas san giugar lur partidas da campiunadi sco avant corona. Curius è be, ch'ellas en las sulettas en l’Engiadina e las valladas dal sid. Tut tschellas equipas che dattan en segunda u en terza liga – uschia er per exempel l'equipa da dunnas dal SC Schlarigna che gioga en liga naziunala D.

audio
Las Chicas: Suletta equipa che dat anc campiunadi
aus Actualitad vom 18.01.2022.
abspielen. Laufzeit 3 minutas 11 Sekunden.

Empruvar da tegnair la liga

Suenter dus terz dal campiunadi en liga naziunala C è l’equipa da las dunnas dal Cdh Engiadina rangà sin plazza tschintg da la tabella. Ils playoffs n'èn a Scuol nagin tema, perquai emprovan ins da tegnair la liga, uschia sco ils davos onns. Dapi var in decenni dat l’equipa da las dunnas dal Cdh Engiadina en la liga naziunala C.

Ord l'archiv

Impressiun dal trenament da las «Chicas» d'avant pli che diesch onns.

video
Las «Chicas» (2011)
Or da Telesguard dals 31.10.2011.
abspielen. Laufzeit 3 minutas 7 Sekunden.

RTR actualitad 17:30

Artitgels legids il pli savens

Scrollar a sanestra Scrollar a dretga