Siglir tar il cuntegn

Header

cuntegn

Hockey regiunal Cleras victorias per Arosa e Cuira

Gist cun 4:0 gudogna il EHC Arosa ordaifer cunter WIKI-Münsingen.

En la MySports League dastgan omaduas equipas grischunas festivar ina clera victoria. L'EHC Arosa gudogna ordaifer cunter il davos da la tabella - il EHC WIKI-Münsingen cun 4:0. Igl è gia la terza victoria en seria per la squadra d'Arosa.

Ed er il EHC Cuira po nudar ina clera victoria. Quai cun 5:1 cunter il SC Lyss. Per la squadra da Cuira èsi la 6avla victoria da la stagiun e la segunda en seria. En la tabella sa chattan las duas equipas grischunas cun 22 puncts sin posiziun 5 e 6.

En l'emprima liga regiunala sto il HC Partenz Signuradi magunar ina schleppa. La squadra dal Partenz perda cunter il EHC Wetzikon gist cun 0:8. Suenter la quarta terrada en seria e cun sulettamain 7 puncts ord 11 partidas sa chatta la squadra grischuna sin il penultim plaz da la tabella.

Suenter la clera victoria en il derbi engiadinais dastga il Club da hockey Engiadina er festivar ina victoria cunter ils Dürnten Vikings. Ordaifer batta la squadra engiadinaisa ils Vikings cun 4:3. Il gol decisiv ha sajettà Riet A Porta en la 42avla minuta.

Ina clera victoria hai dà per il EHC San Murezzan. Suenter la terrada en il derbi battan ils Engiadinais il EHC Illnau-Effretikon cun 7:2.

Ed er Lai/Valbella dastga festivar ina clera victoria. Ils da Lai battan ordaifer l'EHC Bassersdorf cun 6:2. En la tabella fa Lai/Valbella il pass sin posiziun 4, l'EHC San Murezzan suonda sin posiziun 6 ed il Club da hockey Engiadina sin posiziun 8.

RTR novitads 22:00

Artitgels legids il pli savens

Scrollar a sanestra Scrollar a dretga