Siglir tar il cuntegn

Header

audio
Domenic Toutsch di adia al Cdh Engiadina
Or da Actualitad dals 07.04.2022.
abspielen. Laufzeit 3 minutas 20 Sekunden.
cuntegn

Hockey regiunal President «ad interim» Domenic Toutsch di adia al CdH Engiadina

Suenter quatter onns sco president «ad interim» dal CdH Engiadina da Domenic Toutsch giu la squadra sin la fin da matg. Sco nov president vegn proponì il vice – Ruedi Haller dad Ardez. La radunanza generala d'elecziun ha lieu l'entschatta da zercladur.

Quatter onns è Domenic Toutsch da Zernez stà president dal Club da hockey d’Engiadina. Suenter che Marco Ritzmann era vegnì tschernì sco president da Grischun hockey, ha il pur e manader d’ina filiala da chascha da malsauns a Zernez surprendì quest uffizi «ad interim». Or dals in u dus onns planisads, èn tuttina vegnids quatter onns.

Gia avant quest enviern aveva Domenic Toutsch dà enconuschent sia demissiun. Ussa sin la proxima radunanza generala dat el giu il presidi. Sco nov president dal Cdh Engiadina vegn proponì il vicepresident Ruedi Haller.

Il positiv da mes temp sco president è segir la collavuraziun cun San Murezzan sin il sectur da giuvenils.
Autur: Domenic Toutsch president «ad interim» dal CdH Engiadina

Pudì muventar insatge

Sco president dal CdH Engiadina far la punt tar il HC Zernez – quai era ina da las ideas da Domenic Toutsch. Ed il president partent n'ha betg mo fatg la punt tranter questas duas equipas rivalisantas. Durant ses temp d’uffizi è quai vegnì a la collavuraziun tranter las grondas equipas en l'Engiadina: il CdH ed il EHC San Murezzan, sin basa da juniors. Uschia gidan las duos equipas l'ina l’autra cun giugaders – ed era las autras equipas da l'Engiadina e dal Grischun dal Sid vegnan integradas uschè bain sco pussibel en il il project.

Sper questa collavuraziun è quai adina era gartegià da restar en segunda liga e da betg far il pass en ina liga pli bassa. E per finir è quai er gartegià dad instradar la scola da hockey a Scuol.

Fin avant pacs onns na fiss quai betg stà pussaivel ch'in da Zernez daventa president dal CdH Engiadina.
Autur: Domenic Toutsch president partent dal CdH Engiadina

Sponsurs e donaturs han sustegni il CdH

Ils davos onns n'èn betg stads simpels. Tuttina han l’entira regiun, sponsurs e donaturs, sustegnì il CdH Engiadina. Las entradas èn quasi restadas las medemas. Uschia è quai stà pussaivel da porscher hockey als pli pitschens fin tar ils gronds en l'Engiadina Bassa.

RTR actualitad 17:00

Artitgels legids il pli savens

Scrollar a sanestra Scrollar a dretga