Siglir tar il cuntegn

Header

cuntegn

Hockey regiunal Reto Kobach nov trenader da l'EHC San Murezzan

L’EHC San Murezzan ha engaschà in nov trenader. A partir da la proxima stagiun cumplettescha Reto Kobach il stab da trenaders da l'EHC San Murezzan. El vegn a remplazzar Luli Rivi che banduna l’equipa sin agen giavisch en direcziun dal Tessin.

Reto Kobach ha 41 onns ed è actualmain trenader assistent da l'emprima equipa e trenader da las equipas da juniors U9 ed U11 da l'EHC Winterthur. Sco giugader activ ha el cumenzà sia carriera tar l'EV Zug. Tranter auter ha il defensur giugà 10 stagiuns tar Ambrì-Piotta.

Ultra da quai ha l'EHC San Murezzan prolungà il contract cun il trenader da l’emprima equipa Alexander Aufderklamm. El ha suttascrit fin il 2024.

RTR novitad

Artitgels legids il pli savens