En la MySportsLeague ha l'EHC Arosa pers la partida a chasa cunter Hockey Huttwil cun 1 :4. Il sulet gol per l'EHC Arosa ha fatg David Rattaggi durant l'emprim terz. En la tabella è Arosa il mument sin il 5avel plaz.
L'EHC Cuira ha oz dumengia sia partida, a las 17:15 vai a chasa cunter ils hockeyans da Thun.
Resultats MySports League
En la segunda liga ha Lai-Valbella pers la partida ordaifer cunter Dielsdorf-Niederhasli cun 1:4. Il sulet gol per Lai-Valbella ha sajettà Yannick Bruderer durant l'emprim terz.
L'EHC San Murezzan ha gudagnà la partida cunter l'EHC Dürnten Wikings cun 7:4. Suenter 30 minutas eran ils da San Murezzan anc cun 1:4 enavos. Suenter far dus gols anc en il segund terz, ha San Murezzan egualisà al cumenzament dal davos terz. Ed en las davosas minutas han ils Grischuns pudì decider la partida en lur favur.
Il Club da Hockey Engiadina ha pers la partida cunter l'EHC Kreuzlingen- Constanza cun 0:11. En la 19avla minuta è gia crudà il 0:4, lura ha Engiadina postà enstagl da Vanessa Bolinger Men Nogler en il gol. Quel n'ha dentant er betg pudì evitar che l'adversari ha sajettà regularmain gols, trais ulteriurs en il segund terz ed ils davos quatter en il davos terz.
En la tabella èn Lai-Valbella sin il 5avel, San Murezzan sin il 6avel ed il Club da Hockey Engiadina sin 8avel plaz.