Sch'il campiunadi svizzer da hockey vegn interrut durant la stagiun regulara, datti tant in campiun sco er in squadra promovida. Quai però cun la cundiziun che tuttas squadras han absolvì 75% da lur gieus.
Tar ina interrupziun dal campiunadi vegn la glista da rangaziun quintada tenor la media dal dumber da puncts per gieu. Vegniss la stagiun interrutta durant ils playoffs, è il victur da la qualificaziun il campiun svizzer.