Siglir tar il cuntegn

Header

video
La Finlanda è campiun olimpic – resumaziun dal final
Or da Beijing 2022 Clips dals 20.02.2022.
laschar ir. Durada: 57 Secundas.
cuntegn

Hockey sin glatsch La Finlanda per l’emprima giada campiun olimpic

Tar la victoria da 2:1 da la Finlanda cunter la squadra russa, han era giugà plirs giugaders finlandais engaschads tar clubs svizzers.

Il gol decisiv ha Hannes Björninen marcà cun deviar il puck suenter 31 secundas dal davos terz. Per l’attatgader da Jokerit Helsinki èsi stà l’emprim gol insumma en il turnier olimpic. Björninen aveva gia preparà en la 24avla minuta l’egualisaziun, tras il defensur Ville Pokka. Ils Russ eran ids en avantatg durant in powerplay en l’otgavla minuta – marcà aveva Michail Grigorenko.

Suenter marcar il 2:1 han ils Finlandais mussà cun disciplina in gieu defensiv. Ils Russ da lur vart han en il davos terz sulettamain sajettà trais giadas sin il gol finlandais.

Dals tschintg giugaders da la Finlanda, che dattan en Svizra e ch’eran en la squadra dal final – han quatter lura propi dastgà dar: Juuso Hietanen (Ambri), Sami Vatanen e Valtteri Filppula (omadus Genevra) e Harri Pesonen (SCL Tigers). Toni Rajala da Bienna n’ha betg dastgà vegnir en acziun.

Giuven da 17 onns elegì sco MVP

Avrir la box Serrar la box

Il Slovac Juraj Slafkovsky che ha gist 17 onns, han las medias elegì sco il pli custaivel giugader (MVP) dal turnier olimpic da hockey. L'attatgader da TPS Turku è stà cun 7 gols il meglier settagols a Peking. Dus gols ha el marcà tar la victoria da 4:0 en il gieu per plazza 3, tranter la Slovachia e la Svezia.

RTR novitads 08:00

Artitgels legids il pli savens