Siglir tar il cuntegn

Header

cuntegn

Hockey sin glatsch Midadas tar il HCD

Robert Mayer turna tar Genevra

Il Club da hockey da Tavau e ses goli Robert Mayer sa separan definitivamain. Il contract ch'era oriundamain limità sin quatter onns vegnia schlià sin la fin da la stagiun, hai num en ina communicaziun. Il Grischun Robert Mayer era vegnì l'ultima stagiun da Genevra tar il HCD nua ch'el ha absolvì 27 gieus. Dapi il settember ha Tavu però empristà el als SCL Tigers. Ussa turna Mayer tar il Club da hockey da Genevra.

audio
Per tadlar las novitads da las 11:00
ord RTR Audio dals 15.12.2021.
laschar ir. Durada: 2 minutas 58 Secundas.

Matej Stransky resta

Da l'autra vart resta Matej Stransky in'ulteriura stagiun tar il club da hockey da Tavau. Il HCD ha prolungà il contract cun l'attatgader tschec fin la fin da la stagiun 2023/24.

Cun 13 gols en 30 gieus è Stransky actualmain il meglier l'attatgader dal club grischun. L'october ha el tutgà gist tschintg giadas en in gieu cunter Berna. Dapi l'entschatta dal millenni è il Tschec pir il terz giugader en la liga naziunala, che ha dumagnà quai. Ils auters eran Petr Sykora (2010) e Kevin Miller (2000), medemamain per il HCD.

RTR novitads 18:00

Artitgels legids il pli savens