La squadra naziunala svizra da hockey sin glatsch sto ir senza il defensur Christian Marti als gieus olimpics a Peking. Il giugader dals ZSC Lions è vegnì testà positiv sin il coronavirus. Per evitar la ristga d'ulteriuras infecziuns n'haja il gieu da test tranter la Svizra ed il Canada ch'era previs questa saira a Cham en il chantun Zug betg lieu. Uschia sajan la Federaziun da hockey svizra sa cunvegnida cun Hockey Canada. Quai ha communitgà Swiss Olympic.
Urari resta tuttina
Damaun sgola la naziunala da hockey vers Peking. Tgi che remplazza Marti n'è anc betg enconuschent. Ils gieus olimpics cumenzan il venderdi. Ils hockeyans svizzers fruntan en lur emprima partida ils 9 da favrer sin ils Russ. Silsuenter suondan las partidas cunter la Tschechia ed il Danemarc.
