Siglir tar il cuntegn

Header

cuntegn

Hockey sin glatsch Stagiun solida per las Chicas dal Cdh Engiadina

Cun ina sconfitta dad 1:6 encunter las dunnas dals Rapperswil Jona Lakers è ida a fin la stagiun per las Chicas dal Cdh Engiadina en la liga naziunala C. Suenter quatter mais e 15 partidas pon las dunnas metter lur patins da la vart. Las Chicas han terminà la stagiun sin plazza tschintg.

Passa 10 onns dattan las Chicas dal Cdh Engiadina en il campiunadi da hockey en liga naziunala C. Suenter che la stagiun è vegnida rutta giu la stagiun passada pervia da la pandemia, ha quai dà quest enviern ina stagiun quasi ‘normala’. Las Chicas han pudì dar lur partidas senza ch'il campiunadi fiss vegni interrut. Uss, suenter quatter mais e 15 partidas, è il campiunadi a fin e per las Chicas cumenza la pausa da stad.

Stagiun solida, senza problems da relegaziun

Las Chicas dal Cdh Engiadina termineschan la stagiun sin plazza tschintg da la tabella. Sco facit pudess ins dir che l’equipa engiadinaisa ha gudagnà las partidas encunter las equipas ch'èn pli flaivlas che las Chicas, sco la squadra da San Galla.

En egl dat però era la victoria encunter Wallisellen ch'è sin il palpiri segir pli ferm che las Chicas. Per batter las pli fermas equipas da la liga naziunala C – sco Weinfelden e Rapperswil – manca quai anc in zichel.

audio
Bilantscha stagiun da las Chicas cun Ariana Duschèn
ord Actualitad dals 27.02.2022.
laschar ir. Durada: 3 minutas 43 Secundas.

Pruvar da tegnair ensemen l’equipa

Durant ils mais da la primavaira e la stad valia quai uss da pruvar da tegnair ensemen l’equipa da las Chicas dal Cdh Engiadina. Inqual ina dunna vegn dentant a chalar tar l’equipa da las dunnas engiadinaisa. Las foras che quellas laschan enavos ha ins dad emplenir cun giuvnas giugadras ed empruvar dad integrar quellas il meglier pussaivel per esser pront lura puspè l’atun, cura che la nova stagiun cumenza.

RTR actualitad 17:00

Artitgels legids il pli savens

Scrollar a sanestra Scrollar a dretga