Siglir tar il cuntegn

Header

cuntegn

Hockey Svizras perdan final pitschen cunter Finlanda

Las hockeyanas svizras perdan la partida per bronz als gieus olimpics. En il final pitschen perdan las Svizras cun 0:4 cunter las Finlandaisas. Cun 15 cunter 47 sajets sin il gol mussa er la statistica, che las Svizras han gì in cler manco offensiv.

video
Ils highlights da la partida
Or da Beijing 2022 Clips dals 16.02.2022.
laschar ir. Durada: 3 minutas 37 Secundas.

Mezfinal

En il mezfinal dal turnier olimpic perda la Svizra cunter il Canada cun 3:10. Gia suenter 11 minutas manavan las Canadaisas cun 5:0. Tutgà per la Svizra ha duas giadas il chapitani Lara Stadler ed Alina Müller. 

video
Ils trais gols che las Svizras han fatg cunter il Canada
Or da Beijing 2022 Clips dals 14.02.2022.
laschar ir. Durada: 1 minuta 23 Secundas.

Victoria en quartfinal

La segunda giada suenter il 2014 è la naziunala da las dunnas sa qualifitgada per il mezfinal olimpic. Cunter la naziunala russa ha l'equipa dal trenader Colin Muller gudagnà cun 4:2. En il mezfinal fruntan las Svizras u sin il Canada u sin ils Stadis Unids. Il gol decisiv ha Alina Müller fatg en la 58avla minuta – 30 secundas suenter che las Russas avevan egualisà al 2:2.

video
Dal 2:1, al 2:2 e 3:2
Or da Beijing 2022 Clips dals 12.02.2022.
laschar ir. Durada: 1 minuta 22 Secundas.

Duas secundas avant la fin ha Alina Müller anc ina giada tutgà il gol liber al 4:2. Ils ulteriurs dus gols per la Svizra han fatg Phoebe Staenz (35avla minuta) e Dominique Rüegg (48avla minuta).

Igl è la segunda giada suenter il 2014 che las hockeyanas svizras sa qualifitgeschan per il mezfinal olimpic. Lura avevan ellas gudagnà la medaglia da bronz a Sotschi.

RTR novitads 08:00

Artitgels legids il pli savens