Siglir tar il cuntegn

Header

audio
Beijing 2022: Tge ch'ils dus reporters RTR han tut entupà durant las duas emnas en la China
Or da Sport ed actualitad dals 20.02.2022.
abspielen. Laufzeit 4 minutas 15 Sekunden.
cuntegn

Impressiuns persunalas Quai èsi stà – gieus olimpics unics èn a fin

Noss dus redacturs a Peking han raquintà durant ils gieus olimpics davart lur mintgadi. Bun divertiment cun inqual anecdota.

Ils gieus olimpics a Peking na stevan betg sut ina buna ensaina. Corona e la situaziun dals dretgs umans en la China han dà ina pulita sumbriva als gieus olimpics.

Organisatoricamain è l'occurrenza stada messa sin pe a moda exemplarica. Insatge ch'era è da spetgar da la China. Els han vulì sa preschentar al rest dal mund da lur meglra vart. Cun numerus voluntaris, atgnamain bler memia blers – han els gidà a sportistas e sportists, funcziunaris ed er a nus schurnalists da vegnir a frida durant las bun duas emnas.

Co han noss redacturs a Peking resentì ils gieus olimpics? Ad Andreas Wieland e Gian Carlo Candinas restan en mintga cas ina pluna regurdientschas persunalas dals gieus olimpics 2022.

In tren da hightec

audio
Peking2022: Impressiun dal viadi cun tren spert
aus Actualitad vom 17.02.2022.
abspielen. Laufzeit 2 minutas 50 Sekunden.

En il Grischun è la Viafier retica trumf sch'i va per ir cun il tren. In tren patgific che n'ha betg la finamira dad esser il pli spert. Tut auter en China. Ils Chinais èn enconuschents per lur trens d'auta spertadad. In tren tut spezial va sin il tschancun tranter Peking e Zhangjiakou, il lieu nua che tut las disciplinas nordicas han gì lieu durant ils gieus olimpics. Sin fin a 350 kilometers l'ura po quest tren accelerar.

Andreas Wieland e Gian Carlo Candinas han fatg in viadi cun quest tren.

video
Cun in «caracho» tras la China
Or da RTR Social dals 17.02.2022.
abspielen. Laufzeit 1 minuta 3 Sekunden.

Naiv nova als gieus olimpics

La regiun dals gieus olimpics 2022 è ina da las pli sitgas regiuns en la China. Naiv giu da tschiel è insatge fitg stgars durant ils mais d'enviern. Perquai è er tut la naiv als gieus olimpics, saja quai sin pista u sin loipa, naiv artificiala. Sch'i dat tuttina ina giada naiv en la regiun da Peking è quai ina mesa sensaziun.

video
Peking surstat – e rumescha la naiv
Or da RTR Social dals 13.02.2022.
abspielen. Laufzeit 49 Sekunden.

La sonda ils 12 da favrer hai dà 2 centimeters naiv. Ils maletgs co ils Chinais fan frunt a questa naiv – grondius. La dumengia hai lura perfin dà in zic dapli naiv. Cun tuttas maschinas pussaivlas è la naiv vegnida rumida.

audio
Il cumbat cunter la naiv
aus Actualitad vom 13.02.2022.
abspielen. Laufzeit 1 minuta 36 Sekunden.

Ils voluntaris – divertents

Els èn stads dapertut durant ils gieus olimpics – ils voluntaris. U cun lur unifurma d'astronauts u savens er cun lur giacca uffiziala blau-alva dals gieus olimpics. Èn els gidaivels? Gea fitg! Amicabels? Gea era! Discurran els englais? Mo ils pli paucs ...

Nus n'enconuschain betg il dumber da voluntaris als gieus olimpics a Peking. I sto dentant esser in aut dumber. Memia blers, per esser sincer. Per metter a lieu: Là nua ch'i tanschess ina persuna, eran almain trais persunas en acziun.

audio
Ils voluntaris a Peking
aus Actualitad vom 11.02.2022.
abspielen. Laufzeit 2 minutas 51 Sekunden.

Test da corona – di per di

Sch'i va per il coronavirus n'enconuscha la China nagin pardun. Durant tut il temp èsi stà da purtar mascrina, cun excepziun dal temp ch'ins mangia u dorma. Plinavant hai gì num da far mintga damaun in test da PCR. Laschar far il test da corona è stà in termin fix per noss dus reporters, mintga bunura tranter las 6:00 e las 9:00. Quel vegn fatg en bucca, e betg en il nas sco tar nus en Svizra.

video
Mintga di in test da corona
Or da RTR Social dals 07.02.2022.
abspielen. Laufzeit 2 minutas 6 Sekunden.

Noss dus reporters Andreas Wieland e Gian Carlo Candinas èn suenter bun in'emna als gieus olimpics, gia stads disads vid questa procedura.

audio
Mintga damaun trottar al test da corona
aus Actualitad vom 08.02.2022.
abspielen. Laufzeit 3 minutas 1 Sekunde.

Viadi da Cuira fin a Zhangjiakou

  • Sin la plazza aviatica èsi stà da mussar e preschentar formulars senza fin. E quai adina puspè. Formulars per survegnir il consentiment d'entrar en la China. Sin la plazza aviatica a Peking èsi plinavant stà da spetgar bun e ditg.
  • Il viadi cun il bus da Peking a Zhangjiakou è lura stà in'aventura speziala. Bunamain sis uras ha il viadi da radund 200 kilometers cuzzà. Differents bus cun sportistas, sportists e schurnalists èn vegnids escortads da la polizia chinaisa.
  • In'ulteriura sfida è stada la lingua. Englais san mo ils pli paucs Chinais. Perquai èsi da discurrer cun pes e mauns. Malgrà la barriera da lingua èsi da menziunar che las persunas èn fitg amiaivlas e curtaschaivlas.
audio
Beijing 2022: Emprimas impressiuns
aus Actualitad vom 03.02.2022.
abspielen. Laufzeit 3 minutas 34 Sekunden.

RTR actualitad 17:00

Artitgels legids il pli savens

Scrollar a sanestra Scrollar a dretga