Siglir tar il cuntegn

Header

audio
Il snowboardcross è dapi il 2006 a Turin ina disciplina olimpica
Or da Actualitad dals 09.02.2022.
laschar ir. Durada: 3 minutas 55 Secundas.
cuntegn

Istorgias a l'ur Michael Flepp: «Nus essan sa communitgads cun mauns e pes»

Durant ils gieus olimpics rapporta RTR era da persunas ed istorgias sper las pistas, loipas ed il glatsch. Qua datti la survista.

Durant la stagiun d’enviern 2018/2019 è Michael Flepp da Cumbel stà um da service tar l’equipa naziunala chinaisa da snowboardcross. In temp ed in’aventura tut speziala. Vegnì tar questa lavur è Michael Flepp entras ina casualitad ed entras in bun ami austriac. Avant aveva el preparà sur onns las aissas dals svizzers enturn Julie Zogg, Ladina Jenny u Dario Caviezel. Lasuenter ha Flepp era anc lavurà intgins onns per ulteriuras equipas naziunalas sco quella dals Americans u Giapunais, avant che midar l’atun 2018 tar ils Chinais.

60 aissas mintga di

En China era Michael Flepp um da service da bun 15 atletas ed atlets. Mintgin dad els aveva circa quatter aissas – munta ch’el aveva da preparar bun 60 aissas per di. La gronda sfida era dentant la communicaziun. Ils atlets na discurrivan betg englais ed el betg chinais. Uschia saja stà da communitgar durant ina stagiun cun mauns e pes, di Michael Flepp oz cun in surrir.

In’autra sfida – la maglia. El ha vivì quasi be da ris. Quel avevia el il davos enfin las ureglias. Uschia ha el era prendì giu bain inqual kilo durant quest temp. Tuttina, murir da la fom na stoppian ins betg en China.

Nagin success als gieus olimpics

La gronda finamira è stada da manar quell’equipa chinaisa da snowboardcross als gieus olimpics da chasa a Peking. Tenor Michael Flepp haja la China dentant cumenzà memia tard cun quest sport. La finala ha ina suletta atleta dastgà partir als gieus olimpics, quai dentant senza avair ina schanza sin ina medaglia.

RTR actualitad 17:00

Artitgels legids il pli savens

Scrollar a sanestra Scrollar a dretga