Siglir tar il cuntegn

Header

video
Kocher perda er il cumbat per bronz.
Or da Tokyo 2020 Clips dals 25.07.2021.
laschar ir
cuntegn

Judo Larmas enstagl surpraisa

La judoca svizra Fabienne Kocher manchentà ina medaglia olimpica a Tokio. Kocher ha gudagnà ses emprims trais cumbats en la categoria fin 52 kg cunter fermas adversarias ed ha uschia survegnì duas schanzas sin ina medaglia. Sper ils numers 1 fin 3 dal mund è la Turitgaisa da 28 onns sco numer 15 dal mund la gronda surpraisa en ils mezfinals. En il mezfinal ha ella dentant pers cunter il numer 1, la Franzosa Armandine Buchard. E silsuenter hai era dà ina sconfitta en la lutga per plazza trais – là ha Fabienne Kocher pers cunter Chelsie Giles da la Gronda Britannia. La trumpada è gronda cunquai che la medaglia era uschè datiers.

Plazza tschintg (en il judo datti duas medaglias da bronz) è però il meglier resultat d'ina dunna svizra tar gieus olimpics en il judo. Dapi il 1992 è la disciplina olimpica. Campiunessa olimpica en la classa fin 52 kilos è daventada la Giapunaisa Uta Abe. Pauc pli tard ha ses frar pli vegl, Hifumi Abe era fatg aur tar ils umens en la classa fin 66 kilos.

RTR novitads 14:00;

Artitgels legids il pli savens

Scrollar a sanestra Scrollar a dretga