Uschia ha la Svizra survegnì ina greva gruppa a quest campiunadi mundial a Katar. Cun la Brasilia, franc in dals gronds favurits, spetga numnadamain il campiun mundial da record e l’actual numer 1 dal mund tenor la rangaziun da la FIFA. La Serbia ha plinavant gudagnà la qualificaziun avant il Portugal ed uschia gia demonstrà lur classa.
Avant quatter onns avevan ils Svizzers battì ils Serbs cun 2:1. Quest gieu aveva dentant chaschunà lingias grassas pertutgant la debatta enturn l’evla imperiala, l’uschenumnà 'Doppeladler' entras Xherdan Shaqiri e Granit Xhaka. Il Camerun, l’emprim adversari dals Svizzers, è in’equipa che la Svizra sto batter per cuntanscher l’otgavelfinal, in adversari che l’equipa da Yakin na dastga dentant betg sutvalitar.
