Il skiunz da Cuira che gudogna
Per Daniel Mahrer (60) da Cuira èsi cler: «La victoria a Kitzbühel è stà mes pli grond success durant mia carriera». Il 1989 ha el gudagnà la pli greva cursa rapida dal mund e ha festiveschà ina da sias otg victorias en la cuppa mundiala. Vitiers è vegnida ina medaglia da bronz al campiunadi mundial il 1991 a Saalbach.
Gudagnar la Streif èn insatge tut spezial. Quai senta Daniel Mahrer anc oz. Sch'el giaja oz a Kitzbühel profiteschia el magari d'avantatgs, saja quai privat u er professiunal.
Il skiunz da Vella che vegn sensaziunalmain 5avel
L’onn 1994 tar sia emprima participaziun a la cursa legendara ha Franco Cavegn (51) da Vella realisà ses meglier resultat a Kitzbühel. El è vegnì tschintgavel cun il numer 36 e quai en la vegliadetgna da 23 onns.
L’onn 1994 è l'amur da Franco Cavegn per la Streif naschida. Tar las cursas dal Hahnenkamm a Kitzbühel ha la carriera dal skiunz rumantsch en la cuppa mundiala da skis cumenzà. Durant sia lunga carriera ha Franco Cavegn festivà duas plazzas da podest e 35 resultats en la top diesch en la cuppa mundiala da skis.
