Dus onns suenter che la candidatura aveva fatg naufragi, ha Crans-Montana gì success questa giada. Ils campiunadis mundials da skis èn l'onn 2027 en il lieu vallesan, exact 40 onns suenter ch'ils skiunzs e las skiunzas svizras avevan procurà là per ina vaira lavina da medaglias svizras.
A Milaun ha la Federaziun internaziunala da skis FIS elegì Crans-Montana cun 11 vuschs. Mintgamai trais vuschs han survegnì Narvik en la Norvegia e Soldeu en l'Andorra. E sulet in punct hai dà per Garmisch-Partenkirchen en la Germania.
Bunas regurdientschas
Sin las pistas da Crans-Montana ha la squadra svizra festivà il 1987 ils campiunadis mundials ils pli brigliants. Gist 8 da 10 medaglias d'aur han skiunzas e skiunzs svizzers fatg. Uss datti gia da bell'entschatta festas – il 19 da zercladur envida Crans-Montana ad in'emprima party per festivar il success da la candidatura. Il favrer 2027 quintan ils organisaturs lura cun passa 200'000 aspectaturs ed aspectaturas.
Ils campiunadis mundials a San Murezzan il favrer 2017:
