Valentino Rossi sa retira suenter questa stagiun da Moto GP. Dapi la primavaira 2019 n'è il campiun mundial da nov giadas, betg pli stà sin il podest. Questa stagiun è il manischunz da Yamaha suenter nov cursas cun 17 puncts be sin rang 19 dal classament general.
Sia decisiun ha l'um da 42 ons dà enconuschent avant la fin d'emna a Spielberg. Sia ultima cursa vegn «Il dottore» ad ir il november a Valencia.
Rossi ch'è ì il 1996 sia emprima stagiun cun ils töffs da 125ccm, resta dentant part da la Moto GP, quai sco possessur da team. Ditg è vegnì speculà sch'il Talian vegnia ad esser il medem mument possessur e manischunz en ses agen team. Uss è cler ch'i vegn tschertgà per la segunda Ducati, dasper ses mez-frar Luca Marini in auter pilot.