Las davosas cursas da la cuppa mundiala da passlung han lieu questa giada en Engiadina. La vallada grischuna è vegni a questas cursas perquai che la Norvegia ed Oslo han detg pervia da corona na al final da la stagiun d’enviern. Aifer mo curt temp han ils organisaturs en Engiadina fabritgà si tut per questas cursas e fin qua è tut gartegià tenor giavisch.
Cuntent cun l’emprima part da las cursas
Atletas ed atlets da la Russia han dominà las emprimas duas cursas da la fin d’emna cun cursas da la cuppa mundiala en Engiadina. Alexander Bolshunov tar ils umens, e Yulia Stupak tar las dunnas èn ils victurs da las penultimas cursas da la stagiun. Era l’equipa svizra cun Dario Cologna ha mussà buns resultats. El è vegni 14avel, Nadine Fähndrich 19avla.
Per Menduri Kasper dal comité d’organisaziun èn las cursas gartegiadas, i na ha dà nagins incaps.