Siglir tar il cuntegn

Header

cuntegn

Lake Louise Stagiun da speed cumenza uss er per las skiunzas

Suenter las emprimas cursas da speed dals skiunzs, seguan uss a Lake Louise en il Canada er las emprimas cursas spertas per las dunnas. Las campiunessas olimpicas da la cursa rapida e dal super-g, Corinne Suter e Lara Gut-Behrami vulan puspè attatgar. Il medem vala per la Grischuna Jasmine Flury.

Suenter che las emprimas cursas da la stagiun a Zermatt èn vegnidas unfrenda da la mancanza da naiv, capita il tun da partenza en la nova stagiun cun las cursas da Lake Louise en il Canada. En l'America dal Nord spetgan las dunnas duas cursas rapidas ed in super-g.

audio
Jasmine Flury s'allegra sin il start da la stagiun da speed
ord Actualitad dals 02.12.2022.
laschar ir. Durada: 2 minutas 46 Secundas.

Suter, Gut-Behrami e forsa er Flury

Cun las cursas da spertezza a Lake Louise cumenza puspè il cumbat pe r il titel da la regina da speed. Las campiunessas olimpicas Corinne Suter e Lara Gut-Behrami han segir in pled en chapitel cura ch'i va per la surdada da quest titel. En la sumbriva da las duas leadras da l’equipa svizra emprova la Grischuna Jasmine Flury er da mussar bunas prestaziuns. Cura ch’il circus da skis da las dunnas turna alura per las cursas spertas a San Murezzan tutga er ella tar las victuras. Jasmine Flury aveva gudagnà a San Murezzan sin la pista da la Corviglia sia emprima ed unica cursa da la cuppa mundiala da skis. Las cursas da San Murezzan ed en spezial la regiun da l’Engiadina han ina plazza speziala en ses cor.

Actualitad 17:00

Artitgels legids il pli savens

Scrollar a sanestra Scrollar a dretga